Mystical Mizoram Ṭhazual GOSPEL : Hlimhlimi 'Aw Ropui Ber' a pui ber

Mystical Mizoram Ṭhazual Gospel chart-ah Hlimhlimi chu topper a ni a, a hla 'Aw Ropui Ber' hmangin chart-ah pakhatna a ni. Chart top 10-a langte an ṭha a, Mizo gospel singer lar tak tak intlar zingah Hlimhlimi hi a hmasa berah a awm.

'Aw Ropui Ber' a pui ber
Hlimhlimi hian 'Aw Ropui Ber' hi nikum December thlaah khan a tichhuak a, music video hmuhnawm tak nen tichhuakin Zonet bakah YouTube lama thlira ngaihthlak theih turin a tichhuak.

Lalnunpuia Hrahsel hlate Vol 5 album-a mi niin 'Aw Ropui Ber' hi a album hming a ni nghal nghe nghe a, a hla a mawi bakah Hlimhlimi hian a sa thiam a, ngaihthlak manhla tak a ni. Ama channel-ah dah chhuakin chart hmasa lamah khan pahnihna a ni a, tunah erawh pakhatnaah a rawn invawrh ta a ni.

Pahnihna Ronnie & Boom
The Prophets vocalist Ronnie leh Sound From The Hills guitarist Boom-a te thawkdunin an tihchhuah 'Kalvari a Krista' chu pahnihna a ni. He hla hi Nathan Atkinson Aldersley phuah niin JK Dawngzuala'n Mizo ṭawnga a lehlin a ni a, chart hmasaah khan palina a ni a, tun chart-ah hian pahnihnaah a rawn inhlangkai thung.

Top 5-te chu
Pensy & Sanga Renthlei 'Ka Ṭawngtaina' chu chu pathumna a ni a, Ṭhazual Award 2020 Best New Artist Gospel award dawngtu Stacy Punte chu 'Ka Ṭhatna Tur a Hria' hmangin palina a ni bawk.

Nutei Chhakchhuak chuan 'Nang I Awm Si' hmangin top 5 a khar a, chart top 10-a lang zingah hian hian Maruati, Btea, Arini, Sylvia & Mami bakah Zorema Khiangte te pawh an tel.