Sawmtea Chhangte hla thar ‘Ṭhangthar Vannei’

Mizo gospel singer zinga zai tura sawm hlawh ber pawl Sawmtea Chhangte chuan music video thar 'Ṭhangthar Vannei' a tichhuak a, YouTube lamah duh hun hunah a hmeh chhuah theih ta e.

'Ṭhangthar Vannei' hi hla phuahtu lar R Vanlalzuava phuah a ni a, Sawmtea chuan he hla hi a hringnun zawh mek nen pawh a inhmeh hle tih sawiin," He hla Ṭhangthar Vannei hi a phuahtu Pu R.Vanlalzauva'n min ngaihthlak tir hmasak ber aṭangin min hneh nghal a, keima tana phuah bik liau liau niawm a ni. Pathian malsawmna tam tak ka dawng mawlh mawlh a, tun thlenga Pathian min hruai dan ka thlir let hian he hla hi ka Testimony hla a ni, ka ti hial.

"Pathin hnena ka lawmthu sawina hla a ni a, ngaithlatu mipuite pawn tun thlenga Pathian malsawmna leh khawngaihna in chan nasat zia te, a kaihhruaina zawng zawngte in thlir let chuan Pathian chungah hian lawmna tur in ngah in ka ring a ni," a ti.

Sawmtea hian a hla thar hi MDM-ah a register tawh a, Zonet lamah pek chhuah a ni tawh bawk.