Ringo Starr-a'n The Beatles hla a ngainat ber chu....

Rock legend The Beatles drummer Ringo Starr chuan Stephen Colbert 'The Late Show'-ah an band hla hoa a ngainat ber a sawi chhuak mauh mai! Chu hla chu Mizote pawhin kan lo sukpui ve nghawng nghawng tawh ṭhin 'Come Together' ngei mai kha a ni.

Kum 80 lai ni ve tawh, a vanglaia tlangval luck, John Lennon, George Harrison leh Sir Paul McCartney-te nena an rimawi hmanga khawvel deng chhuaktu Ringo Starr chuan Stephen Colbert-a'n an hla zinga a duh ber a zawhna chu chhangin,"Hla duh tam tak dang pawh ka la nei a, mahse pakhat thlan tur a ni chuan, ‘Come Together’ hi thlang ila ka tisual lo ang. He hla hi a kan band tan chuan a mawi berin ka hria a," a ti.

'Come Together' hi John Lennon-a phuah niin kum 1969-a tlangzarh an album hit tak, Abbey Road-a mi kha a ni. A tlangzarh tirhah khan US chart topper a ni a, UK-ah chuan No.4 hial a ni phak bawk.