MZP Hla inphuahsiak Top 5 Result puang

Mizo Zirlai Pawl (MZP) buatsaih 'Ram leh Hnam hmangaihna hla' inphuahsiak top 5 result chu nimin khan MZP pisaah puan a ni.

C. Vanlalvuana, David Z. Hmar, T. Laldintluanga leh Zothanmawia te chu endiktute an ni a, MZP chuan top 5 chin hi music video siam sak an tum bawk. MZP chhungkua leh sawm bik mi hrang hrangte'n vote thlakin, top 3 an thlangchhuak zui leh ang.

Top 5 result hi MZP President B. Vanlalṭana'n a puang a, intihsiaknaa tel zawng zawngte hnenah lawmthu a sawi bawk.