Bill Gates-te nupa an inṭhen

Billionaire Bill Gates leh a nupui Melinda Gates-te chuan kum 27 an inneih hnuah an inṭhen tih Thawhṭanni khan an puang.

Twitter kaltlanga thu-chhuah an siamah, "Kan inlaichinna chungchang uluk taka kan ngaihtuah hnuah nupa kan nihna chu titawp turin thutlukna kan siam ta a ni," an ti.

Bill leh Melinda-te hi kum 1980 aṭang khan an inhre ṭan a, Melinda-i'n Bill-a Microsoft firm a zawm aṭanga inhre ṭan niin kum 1994 khan an innei a, tunah hian fa pathum an nei tawh a ni.

Bill Gates hi kum 65 lai ni ve tawhin Microsoft Corp. co-founder a ni a, tunah hian khawvela mi hausa palina a ni mek. Melina Gates hi kum 56 a ni tawh thung.Thawhṭanni khan King Count-ah an inṭhenna thu hi an thehlut.