2021 Yamaha MT-25, MT-03 Japan-ah an tlangzarh

Yamaha chuan Japan-ah MT-25 leh MT-03 bike an tlangzarh. Europe leh South-East Asia ram ṭhenkhatah chuan heng bike-te hi an lo pholang tawh bawk.

Media ṭhenkhatin an tarlan dan chuan India ramah chuan kan la hmu lawk rih lo mai thei a, India rama tlangzarh hun tur sawilan engmah a la awm lo. MT-25 hi Yen 6,21,500(Rs nuai 4.20) man vel a ni a, MT-03 hi chu Yen 6,54,500 (Rs nuai 4.42) man vel a ni thung.

India rama tlangzarh hun tur hriat la ni lo mah se Yamaha Motor India chuan FZ-X motorcycle tlangzarh tumin tunah hian hma an la mek thung a, hei hi neo-retro motorcycle a ni dawn.

Yamaha MT-25 hi 249cc, parallel-twin engine leh 35 bhp a ni a, MT-03 hi chu 320cc, parallel-twin motor 42bhp a ni thung. Kawasaki Z250, KTM 250 Duke leh Dominar 400-te nena inel tlang tura ngaih an ni.