‘House of the Dragon’ Official thlalak hmasa ber hmuh tur a awm ta

HBO chuan 'Game of Thrones' prequel series 'House of the Dragon' official thlalak hmasa ber an pholang a, media hrang hrangin an ngaihven nghal hle.

GOT hun hma kum 300 vela thil thleng anga an chan, 'House of the Dragon'-ah hian House Targaryen leh Targaryen civil war chungchang a lang dawn a, Paddy Considine, Olivia Cooke, Emma D’Arcy, Matt Smith, Steve Toussaint, Rhys Ifans, Eve Best, Sonoya Mizuno, leh Fabien Frankel-te chu a changtute an ni.

Thlalak hi pathum vel an tarlang a, Princess Rhaenyra Targaryen (D’Arcy) leh Prince Daemon Targaryen (Smith); Lord Corlys Velaryon (Toussaint) bakah Alicent Hightower (Cooke) leh Otto Hightower (Ifans)-te hmuh tur an awm.

HBO hian 'House of the Dragon' hi nakkuma pek chhuahtir hman an tum a, episode 10 an siam hmasa phawt dawn a ni. George R.R. Martin lehkhabu 'Fire & Blood' behchhana an siam niin GOT fan-te tan chuan a nghahhlelhawm tawh hle ang.