Royal Mail-in Sir Paul McCartney an chawimawi

Royal Mail chuan Sir Paul McCartney chawimawina atan special stamp 12 lai an tichhuak a, chung zinga pariat chu album cover a ni.

Heng stamp-te hi May 28 hian tlangzarh a ni dawn a, kum 78 lai ni ve tawh music icon stamp siam a nih chungchang hi Royal Mail Head of Public Affairs, David Gold chuan sawiin,"Paul McCartney hi rock leh pop music-ah chuan mi langsar, hmun lailum luahtu a ni reng tawh dawn a ni," a ti.

Royal Mail hian Sir Elton John leh fam ta David Bowie-te pawh kha stamp hmang hian an lo chawimawi tawh a ni.

The Beatles, Pink Floyd leh Queen-te pawh stamp-ah an hmel lantir a lo ni tawh a, nikum lamah khan Brian May pawh stamp hmangin chawimawi a lo ni tawh bawk.