Box Office : Jason Statham WRATH of Man dang zo an awm lo

Kar tawp liam ta Zirtawpnia tlangzarh tura ruahman, Marvel 'Black Widow' tlangzarh hun chu July 9 atana sawn hlat ni mah se action film puitham tak dang Jason Statham-a channa 'Wrath of Man' hmangin kar tawp liam ta Box Office thawm a ring viau tho a, sum lakluh tam kawngah Jason Statham-a THINURNA dang zo an awm lo.

Wrath of Man chu....
The Man From U.N.C.L.E leh Sherlock Holmes film pahnih hlawhtling taka lo siam tawhtu Guy Ritchie direct a ni a, a hmunawm lo thei lo ve bawk a ni.

A changtupa ber Jason Statham a ni bawk nen, tlangzarh a nih hma aṭang khan action film hmuhnawm tak a ni dawn tih a chiang. He film-ah hian Holt McCallany, Jeffrey Donovan, Josh Hartnett, Laz Alonso, Chris Reilly, Raúl Castillo, DeObia Oparei, Eddie Marsan, leh Scott Eastwood-te pawh an chang a, Guy Ritchie leh Statham thawhdunna film palina a ni tawh bawk.

Kar tawp liam taah khan theatre 2,875-ah tihchhuah a ni a, $8,309,007 lai sum lalutin kar hmasa lama pakhatna Demon Slayer: Mugen Train nen pawh an sum lakluh a inthlau hle. Ramdang aṭanga a sum lakluh nen phei chuan $25,909,007 lai a lalut tawh. He film-ah hian Post Malone pawh a inlan a ni.

Sum lalut tam zual teṬ
Demon Slayer: Mugen Train chuan $3,053,500 lai sum a la lalut leh a, pahnihna a ni a, pathumna chu Mortal Kombat niin $2,415,000 a lalut.

Palina chu Godzilla vs. Kong a ni a, Raya and the Last Dragon chu top 5 khartu a ni.

Film thar a awm nual
Box Office Mojo chart-ah film thar hmuh tur a awm nual. Chart-a pariatna Here Today chu film thar a ni a, 13-na The Water Man pawh film thar bawk a ni.

Walking with Herb (24), The Paper Tigers (25), Mission Stories (29), Mainstream (30), Equal Standard (32), The Human Factor (33), State Funeral (37) leh The Unthinkable (42) te chu film thar chart-a langte niin movie en nuamti tan chuan a ngaihven chi ang.