Katy Perry Pokémon hla Zirtawpniah

Nikum aṭanga 'Pi' ni ta, Katy Perry chuan Pokémon kum 25-na puala a hla tihchhuah tur chu Zirtawpni hian a tichhuak tawh dawn.

Hman deuh lawk khan Katy Perry leh Pokémon company-te chuan Pokémon kum 25 tlin lawmna puala an thawhdun dawn thu tarlangin chu an thawhdunna hla chu Katy hian a tlangzarh teuh tawh hle. A hla thar tur hi 'Electric' tih a ni ang.

He hla hi "Pokemon 25: The Album"-a dah tur niin he album-ah hian J Balvin leh Post Malone-te zai pawh ngaihthlak tur a awm dawn bawk.

Pokémon kum 25 tlin lawmna pual hian Post Malone pawhin virtual concert March thla khan a lo nei tawh a ni.