Fantastic Four-ah Emily Blunt a chang dawn lo

Disney kuta 20th Century Fox a awm hnu lawk aṭang khan Marvel Studio chuan Fantastic Four thar a siam rinna a lian nghal hle a, John Krasinski leh Emily Blunt-te nupa chu super-powered couple Mr. Fantastic (a.k.a. Reed Richards) leh Invisible Woman (a.k.a. Sue Storm) lemah an chang dawn niin thawm a awm zui nghal bawk.

Hemi chungchang hi khawthlang lam media-te chuan an tuipuiin ngaihven pawh an ngaihven viau laiin thu belhchian dawl lo niin a lang ta.

Emily Blunt chuan fan-te thu leh hla mai a ni e, tia sawiin hemi chungchangah hian phone call pawh an dawng lo a, miin thusawi lengvak vel mai mai a ni, tiin a sawi.