Rock & Roll Hall of Fame-a lakluh turte chu....

Kumin October thlaa Cleveland-a Rock & Roll Hall of Fame-a lakluh thar turte chu a hriat ta a, mi paruk- Jay-Z, the Go-Go’s, Tina Turner, Todd Rundgren, Carole King leh Foo Fighters-te chu lakluh an ni dawn.

Class of 2021-a lakluh turte bakah hian general ballot-a lang lo midang lakluh tur pawh an awm niin Variety chuan a tarlang a, chung zingah chuan Kraftwerk leh LL Cool J.-te pawh an tel.

Tina Turner leh Carole King-te hi a vawi hnihna atan lakluh an ni dawn. Dave Grohl chu a hmain Nirvana anga lakluh a lo ni tawh a, tunah Foo Fighters vangin lakluh a ni leh dawn bawk. Midang zawng erawh hi chu a vawi khatna atan lakluh an ni dawn thung. Slot paruk awm zinga pathum hi hmeichhe tan a ni a, pahnih chu black artist tan a ni ve bawk.

Kumin hi Rock & Roll Hall of Fame induction ceremony vawi 36-na tur a ni tawh dawn a, October 30-ah Cleveland Rocket Mortgage Fieldhouse lakluhna hi neih an ni ang.