Nick Jonas leh Priyanka-te'n India tan $mtd 1 hmu chhuak tawh

Nick Jonas leh a nupui Priyanka Chopra Jonas-te chuan Covid-19 hripui leng thawh hnihna nasa taka tuartu India ram chhawmdawlna turin $maktaduai 1 an hmu chhuak tawh.

Jonas-te nupa hian Priyanka Chopra Jonas Foundation kaltlangin Give India an thawhpui a, anni thawkdun hian India rama oxygen tam zawk supply a nih theihna tur leh vaccine tam zawk pek a nih theihna tur sum peipungin Nilaini thleng khan $mtd 1 an hmu chhuak tawh a, hemi atan hian mi 14,000 chuangin sum an thawh tawh niin an tarlang.

Hemi chungchang hi Nick Jonas chuan tarlangin sum thawhtute chungah lawmthu a sawi a," Khawvel hmun hrang hrang aṭanga pawisa thawhtu mi 14,000 chuang hnen aṭangin kan hmuh chhuah tum zat $maktaduai 1 kan hmu chhuak tawh a, hei hi Covid-19 India-in a dona kawnga pek tur a ni," a ti.

Priyanka pawhin Twitter lamah lawmthu sawina tweet a siam ve bawk a ni.