CMT Music Awards : Maren Morris, Miranda Lambert-te'n nomination an hmu tam

2021 CMT Music Awards nomination chu puan a ni ta a, Maren Morris leh Miranda Lambert-te chu nomination hmu tam ber niin pali ve ve an hmu.

Country Music Television Music Awards hi June 9 hian sem a ni dawn a, CMT mai bakah an sister network- MTV, MTV2, Logo, TV Land leh Paramount Network-ahte pek chhuah a ni ang. An semna hmun tur erawh an la tichiang lo a, kumdanga an semna ṭhin Nashville-a Bridgestone Arena-ah nge hmun dangah an sem dawn tih an la tarlang lo.

Maren Morris leh Miranda Lambert hi Video of the Year, Female Video of the Year leh Collaborative of the Year-ahte a hming a lang vek a, Video of the Year-ah nomination pahnih ve ve an hmu bawk.

Tunhnaia thawm rawn nei ring tak Carrie Underwood chuan nomination pahnih a hmu a, John Legend nena an sak dun 'Hallelujah' chu Collaborative Video of the Year leh Video of the Year-ahte a lang a ni.