Enola Holmes 2 : Bobby Brown leh Cavill an chiang

Sherlock Holmes farnu Enola Holmes film chhunzawmna siam turah Millie Bobby Brown leh Henry Cavill-te chu an inlan leh dawn tih a chiang tawh a, an role ngai Enola leh Sherlock bawk an rawn chang leh dawn.

Kum 2020-a tih-chhuah Enola Holmes chhunzawmna film siam a ni dawn tih hi Netflix chuan an tichiang tawh a, director Harry Bradbeer leh writer Jack Thorne-te pawhin an hna ngai an thawh chhunzawm leh dawn a, Nancy Springer lehkhabu behchhan film, Sherlock Holmes farnu fing tak a khawsa vel kan hmu leh dawn ta a ni.

Enola Holmes film hmasa kha nikumah khan hrileng karah September 23 khan Netflix chuan a tlangzarh a, crtitics lamin an fak hle a nih kha. Kha film kha tlangzarh a nih aṭanga ni 28 chhungin chhungkaw maktaduai 75 velin an en anga chhut a ni nghe nghe.

Lehkhabu ziaktu lar Nancy Springer-in a ziah 'The Enola Holmes Mysteries' hi bu ruk lai a awm a ni.