Olivia Rodrigo-in Taylor Swift zaipui a chak

American tleirawl zaithiam Olivia Rodrigo chuan a mi ngaihsan Taylor Swift chu zaipui a chak thu sawiin, 'Speak Now' album Swift-in a record ṭhat mekah chuan tel ve a chak tih a sawi.

'Driver's License' hitmaker Olivia Rodrigo chuan NME-in an kawmnaah hemi chungchang hi sawi langin 'Speak Now' chu Taylor Swift album a ngainat ber a nih thu leh Swift-in a record ṭhat mekah chuan tel ve a chak thu a sawi a ni.

Kum 18 mi Rodrigo hian a naupan lai aṭanga a ngaihsan tawh, kum 31 lai ni ve tawh Taylor Swift chu a ṭum khatna atan BRIT Award kar liam taa semah khan a hmu ve ta a, anni pahnih inhmu hi an hlimdun hle a, social media lamah pawh an thlalak dunte pawh an tarlang nghe nghe.