Billboard Music Awards-ah Twenty One Pilots

2021 Billboard Music Awards ceremony-a perform tur list-ah hming thar a ri leh ta a, chu chu tudang ni loin Twenty One Pilots an ni a, tunhnaia an single tihchhuah thar 'Shy Away' kha award semna ceremony-ah hian an sa dawn.

Tyler Joseph leh Josh Dun-te hian BBMA hi pasarih lai an dawng tawh a, kum 2017-ah phei kha chuan zan khatah award panga lai an hum haw.

May 23-a sem tur Billboard Music Awards-ah hian BTS, Duran Duran, The Weeknd leh DJ Khaled featuring H.E.R. bakah Migos-te chu an perform dawn tih a chiang tawh bawk a, P!nk pawh perform tur list-ah a tel bakah Icon Award dawngtu tur a ni.

Kumin BBMA hi Nick Jonas chuan a host dawn a, Drake chu Artist of the Decade Award dawngtu tur a nih bakah Trae Tha Truth chuan Billboard Change Maker Award a dawng bawk ang.

Grammy nominee lama a hming lang lo The Weeknd chuan nomination hmu tam berin category 16-ah a hming a lang a, DaBaby chuan 11 hmun fam ta Pop Smoke chuan 10 lai a hmu bawk.