Mystical Mizoram Ṭhazual GOSPEL : Pensy & Sanga Renthlei ‘Ka Ṭawngṭaina' pakhatna a ni

Mystical Mizoram Ṭhazual Gospel chart-ah Pensy leh Sanga Renthlei te hla 'Ka Ṭawngṭaina' chu pakhatna a ni a, Stacy Punte 'Ka Ṭhatna Tur a Hria' chu pahnihna niin Maruati & Hlimhlimi 'Uain Thar' chu pathumna a ni thung.

'Ka Ṭawngṭaina'
Pensy leh Sanga Renthlei te hian thla thum liam ta vel khan Zohmaa Jahau hla 'Ka Ṭawngṭaina' hi an tichhuak a, chart hmasaah khan pathumna niin tun chart-ah erawh pakhatnaah a rawn inhlangkai a ni.

'Ka Ṭawngṭaina' hla hi Pensy leh Sanga te hian an sa mawi hle a, chart-a an lanna pawh a rei tawh a, hla ṭha tak niin lo la ngaithla fuh lo kan awm a nih chuan Pensy YouTube channel-ah ngaihthlak theihin a awm reng tawh. A thluk hi Sanga siam hi a ni nghe nghe a, a hla a mawi piah lamah music video a hmuhnawm a, Pensy-te ṭhiandun hian an sa thiam bawka, pakhatna nih pawh hi a phu viau mai.

Pahnihna Stacy Punte
Ṭhazual Award 2020-a Best New Artist Gospel award dawngtu Stacy Punte hla mawi tak 'Ka Ṭhatna Tur a Hria' chu pahnihna a ni. He hla hian YouTube lamah pawh stream a hlawh a, thlirtu nuai 1.5 chuang a nei tawh a, pakhatna ni mai tur pawhin a dinhmun a ṭha sawt hle.

Top 5-te chu
Maruati & Hlimhlimi 'Uain Thar' chu pathumna a ni. He hla hi chart hmasaah kha chuan pasarihna a ni a, tunah erawh chuan top 3-ah a rawn inhlangkai der mai.

Arini, Sylvia & Mami
'I Hmangaihna' chu palina niin, Zorema Khiangte 'Isua a Awm' chu top 5-ah rawn inhlangkai-in top 5 khartu a ni.