Miss Universe lo ni tawhte

Miss Universe intihsiakna hi kum tina neih ṭhin a ni a, US-a hmunpui nei Miss Universe Organization buatsaih ṭhin niin khawvela beauty pageant en hlawh ber zinga mi a ni a' ram 190 aṭangin mi maktaduai 500 velin an en tawh anga chhut a ni.

Big Four international beauty pageants zingah chhiar tel a ni a, Miss World, Miss International, leh Miss Earth-te nen he huangah hian an awmho.

May 16 (India ram huna May 17 zingkar)-ah khan Hollywood, Florida-ah Miss Universe 2020 thlanna neih a ni a, chutah chuan Mexico Miss Andrea Meza chu Miss Universe-ah thlan a ni. Nikum lamah hripui leng a nasat avangin Miss Universe 2020 hi kuminah an thlang thei chauh a ni.

Tuna Miss Universe pegeant kalpui mek hi kum 1952 khan Catalina Swimwear siam ṭhin leh thawmhnaw company lar, California lama hmunpui nei Pacific Knitting Mills chuan bul an ṭan a; anni buaipuina hnuaiah hian Long Beach, California-ah Miss Universe Pageant hmasa ber chu thlan a ni. Tunah hian Miss Universe thlan a nih hmasak ber aṭang chuan kum 69 a liam tawh tihna a nih chu.

Miss Universe atana thlan hmasak ber chu Armi Kuusela niin, ani hi Finland mi a ni. Kum 1952-a thlan mah ni se a title erawh Miss Universe 1953 angin an kalpui a, ani hian a title hi a kalsan avangin kum 1953-a Miss Universe title latu Miss France Christiane Martel chu lemchan thiam Julie Adams-in crown a khumtir a ni.

Kum 1955 khan a ṭum khatna atan CBS chuan Miss Universe pegeant hi TV-a en theih turin a pe chhuak ṭan thung.

Kumina Miss Universe title latu Andrea Meza kha Miss Universe 59-na a ni.