Fam ta Avicii hmingchawiin Arena hming an thlak

EDM star fam ta Avicii chu 'arena act' mai a ni ta lo, tunah chuan a hmingchawi arena a awm tawh.

An ram Sweden-a arena, Ericsson Globe tia hming pu ṭhin chu tunah chuan Avicii Arena tih a ni ta a, hemi chungchang hi Nilaini khan Stockholm thuneitute chuan an sawi a ni.

Avicii tia khawvelin a hriat lar, Tim Bergling pa Klas Bergling chuan arena hming thlak a ni chu a fapa Tim-a zinkawnga mellung pawimawh tak a nih thu sawiin, kum kua kal taah khan he arena-ah hian a fapa chuan a play tih leh tunah erawh a hmingchawi arena a ni ta chu chhuanawm a tih thu a sawi.

Swedish DJ Avicii hi April, 2018 khan kum 28 mi lek niin a lar vanglai takin a intihlum a , studio album pathum tichhuak hmanin Grammy award nominee-te pawh a ni hman a ni.