S.Korea-ah F9 a che ṭha nghal

Fast & Furious 9 chu Nilaini khan South Korea-ah tlangzarh a niin a che ṭha nghal hle a, ni khatah $maktaduai 3.4 a lalut a ni.

F9-in South Korea-a nikhatah sum a lakluh ang zat hi SKorea-ah hian lakluh a la ni ngai lo a, hrilen hnua an rama film tlangzarh tirha sum lalut tam ber a ni nghal bawk.

Justin Lin-a direct F9 hian SKorea-ah hian pre-sales aṭang ringawtin ni nga chhung atan $mtd 2 a lalut lawksa bawk a, hrilen hnuah chuan hei pawh hi a tam ber a ni.

Nimin lamah khan Russia leh Middle East lamah tlangzarh zui a ni bawk a, US-ah erawh June thla tawp dawn lamah an en thei dawn chauh thung.

F9 siamna atan hian $mtd 200 chuang an seng nia tarlan niin, Fast & Furious series-a kan hmu tawh dawn lo nia kan ngaih Sung Kang pawh a rawn lang leh a, Tokyo Drift lam star-te pawh an inlan leh nual a ni.

Ruahmanna an siam danah chuan Fast & Furious hi part 10 leh 11 siam an la tum a, hemi hnu lamah erawh hi chuan an titawp tawh dawn nia sawi a ni.