Zirlaite thiam theite tan RemPham'Ly Cinema an inhawng zau

Kumin chhunga exam result chhuak tawha pakhatnate tan Hollywood / Bollywood film thar tlangzarh nia tihchhuah ve nghalna hmun, RemPham'Ly Cinema-ah a FREE-in film a en theih dawn.

7D theatre lamah a thlawna en duh vangin naupang tam takte an ṭan phah tih report an dawn chuan tilawmin Cinema lam hotute chuan March thla chhung atan a thlawnin zirlai exam result chhuaka pakhatnate chu film an en a phalsak ta a ni. Mahse pakhatna an ni ngei tih finfiahna tur marksheet emaw certificate emaw ken a ngai thung. Box Office-a pakhatna ni mek Onward (3D), Sonic The Hedgehog leh Bollywood hit Baaghi 3-te chu en theihin an tichhuak mek bawk.