Hla phuah thiam Duhawma Chhangte a kal ta

Mizo rilrem zawng taka hla lungrun tak tak ṭhahnem tak phuahtu, Lalduhawma Chhangte (62) S/o Biakliana, North Lungpher chuan May 22 khan chatuan ram min pansan ta.

Duhawma hian 1990's chhoa Mizo ṭhalaite hla duh ṭhahnem tak a phuah a, Lalkima Zote-in a hla phuahte hi Zoram hriatah a sa lar hlawm. A hla lar tak tak zingah hian 'Rui thei emai min ti', 'Ka lo ruih em vang a lo ni,' 'Kanchhi Zun,' 'Ka pa, ka pa lo haw leh rawh,' 'I pamhmai em mai', 'Chun nun lerh-i', 'Ngaihlai zopui', tih leh 'Hraite, zan mu chhing tawh rawh' tihte a tel.

Duhawma Chhangte hla hi a Mizo em em a, a hunlaiin a lar a ni mai lo a, a hla thute avangin lawmte a hlawh ṭhin hle - amah awm tawh lo mah se, a hla ṭha tak takte hian Mizo kan awm chhung chu Mizote a awi zui zel dawn a ni.