US-a la tlangzarh loh F9 a che ṭha zel

Fast & Furious film pakuana F9 chu kar hmasa lamah khan ram eng emaw zatah tlangzarh a ni ta a, chung ram hrang hrang aṭang chuan $maktaduai 127 a lalut der tawh. Tun kar tawp liam ta chhung khan $mtd 160 a lakluh hman beisei a ni.

F9 aṭanga an beisei ang zat hi nimin khan an lalut hman a nih chuan Covid-19-in khawvel a tihbuai hnuah international box office aṭanga sum lalut tam ber a ni dawn a, North America lama an chhuah hunah phei chuan sum tam tham tak a lakluh a rinawm.

Kar hmasa chhung khan ram pariatah he film hi an tlangzarh a, South Korea-ah a khuh hawnna an neih zawh hnuah Hong Kong, Russia leh Middle East (Saudi Arabia, UAE, Egypt leh OME) bakah China-ahte an tlangzarh leh a ni.

China-ah chuan Inrinniah ringawt pawh khan $mtd 105 lai sum a lalut a, hrileng kara China-a Hollywood film tlangzarh zingah chuan ni khata sum lalut tam ber a ni nghal.

Kum 2019 aṭanga tlangzarh an tum tawh F9 hi 'Hobbs & Shaw' vang khan tlangzarh hun an tikhawtlai phawta, chutah Covid-19 hripuiin khawvel a tihbuai avangin an sawn hla leh a, May 19 khan South Korea-ah an khuh hawng ta a ni. US lamah chuan June 25 hian an tlangzarh dawn chauh thung.