International Box Office-ah F9 a che ṭha

Fast & Furious francise film pakuana F9 chu US-ah tlangzarh la ni lo mah se International Box Office-ah a che ṭha rem rem hle a, rap pariat aṭangin $mtd 162 chuang sum a lalut tawh.

Vin Diesel, Michelle Rodriguez, Tyrese Gibson, Chris "Ludacris" Bridges, John Cena, Jordana Brewster, Nathalie Emmanuel, Sung Kang, Michael Rooker, Helen Mirren, Kurt Russell, leh Charlize Theron-te film hi US lama an tlangzarh hun tur a nghahhlelhawm a, a sum lakluh pawh a tam hlein a rinawm.

F9 hian China-ah chuan $mtd 136 vel zet sum a lalut tawh a, an khuh hawnna ram South Korea-ah $mtd 9.9 lalut tling tawhin Russia-ah chuan $mtd 8.3 a lalut a, Saudi Arabia-ah $mtd 2.67 a lalut a, UAE-ah $mtd 2.64 a lalut bawk a ni.

He film hi a budget pawh a sang hle a, $mtd 200 vel zeta an siam niin June 25 hian US-ah an tlangzarh ang.