Hot 100 chart thununtu Olivia Rodrigo J-Cole album thar an ngaithla nasa ber

Kar liam taa a album hmasa ber tichhuaktu Olivia Rodrigo chu a hla 'Good 4 U' hmangin Billboard Hot 100 chart topper a ni a, Hot 100 topper hla pahnih a neihna a ni. Album chart-ah J-Cole che ṭha ber thungin a album thar 'the Off-Season' chu US-ah kar liam ta khan an ngaithla nasa ber.

Olivia Rodrigo tan kum ṭha a la ni zel
Kumtirah 'Drivers License' hmangin rimawi khawvel a deng chhuak tawh a, kumin chhunga khawvelin zaithiam a ngaihven ber zinga mi a la ni chho ta zel. Kar liam ta Zirtawpni khan album thar 'Sour' a tlangzarh a, he album hi karleh chart lamah chuan a chet ṭhat viau pawh a rinawm.

Billboard Hot 100 chart-ah a hla tihchhuah thar 'Good 4 U' hi topper a nih leh bakah hian Billboard Global 200 chart-ah pawh topper a ni bawk.

Olivia Rodrigo hi zaithiam, Billboard Hot 100 chart top 10-a hla hmasa pahnih lanpui thei awmchhun a lo ni tawh a, tunah phei chuan a hla hmasa pathum a lanpui a, chung zinga pahnih chu topper a la ni zui! He tleirawl hi rimawi khawvelah a la tla na chho zel dawn niin a lang.

Tunah hian Artist 100 chart-ah pahnihna a ni mek bawk a, tunkar chunga a album a hit chho viau a nih phei chuan he chart-ah hi chuan karleh lamah hi chuan pakhatna pawh a ni mai thei.

A album thar 'Sour' hi tunah hian UK lama album hralh kal ber a ni mek bawk a, UK single chart-ah pawh 'Good 4 U' hi topper a ni ve mek bawk.

Hot 100-a che ṭha zualte chu..
J.Cole, 21 Savage & Murray 'm y . l i f e' chu pahnihna a ni a, Dua Lipa ft DaBaby 'Levitating' chu pathumnaah a la awm vung bawk. He hla hi kar 33 chhung chart-ah hian a lang tawh a, dinhmun ṭha ber pawlah a la ding reng.

Kar hmasa lama pakhatna Silk Sonic (Bruno Mars & Anderson .Paak) 'Leave the Door Open' chu palina a ni a, J.Cole bawk pangana niin 'a m a r i' hmangin top 5 a khar.

Hot 100 chart top 10-a hla panga lai chu J.Cole hla a ni bawk.

Billboard Hot 100 Top 5 :-
1) Good 4 U Olivia Rodrigo
2) m y . l i f e J. Cole, 21 Savage & Morray
3) Levitating Dua Lipa Feat. DaBaby
4) Leave The Door Open Silk Sonic (Bruno Mars Anderson .Paak)
5) a m a r i J. Cole

Album chart lama che ṭha J. Cole
Billboard 200 chart-ah chuan J.Cole album thar 'The Off-Season' pakhatna a ni a, J. Cole hi Artist 100 chart-ah topper a ni mek bawk.

'The Off-Season' hi J.Cole studio album parukna a ni a, May 14-a a tlangzarh kha niin kar liam ta chhung khan album-equivalent unit 282,000 lai a hmu chhuak. Chart No.1 album a záwnin paruk Cole hian a nei ta chiah bawk a ni.

Nicki Minaj 'Beam Me Up Scotty' chu pahnihna a ni thung a, kar hmasa lama pakhatna Moneybagg Yo 'A Gangsta's Pain' chu pathumna a ni thung. Morgan Wallen-a album 'Dangerous: The Double Album' chu a tlangzarh aṭanga kar 19 a liam hnuah pawh palina a la ni phak a, Dua Lipa 'Future Nostalgia' pawh US-ah chuan album an ngaihthlak tam ber pawl la ni zelin kar 59 lai a ral hnuah pawh top 5-ah a lang phak. Mahse Dua Lipa album hi Billboard 200 chart topper erawh a la ni lo.

Billboard 200 chart Top 10:-
1) The Off-Season J. Cole
2) Beam Me Up Scotty Nicki Minaj
3) A Gangsta's Pain Moneybagg Yo
4) Dangerous: Morgan Wallen The Double Album
5) Future Nostalgia Dua Lipa
6) Delta Kream The Black Keys
7) Justice Justin Bieber
8) Khaled Khaled DJ Khaled
9) Where Have Alan Jackson You Gone
10) Shoot For The Stars Pop Smoke Aim For The Moon