Lemchan khawvelah Lindsay Lohan a kir dawn

Kum 2000 chho vela tleirawl lar ber pawl ni ṭhin, zaithiam leh lemchan thiam ni bawk Lindsay Lohan chu kum eng emaw zat chhung lemchan khawvela hmuh tur a awm loh hnuah a rawn inlarleh tawh dawn a, kum tawp lama NETFLIX lama tihchhuah tur rom-com-ah a inlan dawn.

Lindsay Lohan channa tur film hming puanzar a la ni lo a, Christmas Romantic Comedy film a ni dawn tih erawh an puangzar tawh thung, Lohan hi hotel rochuntu tur, a ngaihzawn nena innei mai tura inhual hlim, vura a tlengnaa a chetsual avanga hriatna hloh lemah a chang dawn a ni.

A chanpui turte chu puangzar an la ni ve chiah lo a, an puanzar thuai pawh a rinawm.

Lohan hi kum 11 mi lek a nih lai aṭangin khawvelin a hre tawh a, kum 1998-a tlangzarh 'The Parent Trap'-a a chan aṭangin a lar hle a, a hnuah a hunlaia film lar tak tak 'Freaky Friday' leh 'Mean Girls'-ahte chang zuiin kum 2010's chhoah khan a thawm a reh ta daih a ni. Europe leh Dubai velah khawsa daihin thawm lian tham a nei zui lo hle a, tunah erawh a rawn lar chhuahna lamah kir leh zai a rel ta niin a lang.