WhatsApp-in sorkar an khing

Sorkarin nimin aṭanga hman ṭan tura a tih digital rule thar chu WhatsApp chuan Delhi High Court-ah a khinglet.

Facebook hnuaia awm messaging service chuan Thawhlehni khan petition thehlutin sorkar dan thar hnuaia message lo chhuahna chhui ngai chu privacy palzutna a ni, an ti.

"Messaging apps-te a inbiakna chhui theih chu WhatsApp-a message thawn chhuah apianga an kutzia indil nen a intluk reng a, chu chu end-to-end encryption bawhchhiatna niin mimalin privacy dikna a neih palzutna ani bawk," tiin India rama maktaduai 400 chuang hmangtu nei WhatsApp chuan nimin khan thuchhuah an siamah an tarlang a ni.

Sorkar laipui digital dan thar siam hnuaiah chuan platform hrang hrang, Facebook, WhatsApp leh Twitter-te pawh telin, thla thum chhungin India-a compliance officer an ruat a ngai bawk.