iHeartRadio Music Awards 2021 The Weeknd bawk a ropui leh

2021 iHeartRadio Music Awards chu Ningani khan Dolby Theatre, Los Angeles-ah sem niin Usher chu host a ni a, nomination hmu tam ber The Weeknd chu award dawng hnem ber niin panga a dawng.

The Weeknd bawk
Pathianni liam taa Billboard Music Awards-a che ṭha tak Canadian singer The Weeknd chu iHeartRadio Music Awards-ah pawh a che ṭha leh hle a, award ngaihhlutawm tak tak a pawm haw leh a ni.

A hla hit 'Binding Lights' chu Song of the Year-ah thlan a ni a, Male Artist of the Year, TikTok Bop of the Year, Titanium Artist of the Year leh Titanium Song of the Year award-te a dawng.

iHeartRadio Music Awards semna ceremony-ah hian Ariana Grande nen 'Save Your Tears' an sa dun bawk a, mipui pawhin an lawm hle a ni.

BTS, Rdooy Ricch leh Christian Nodal-te an che ṭha
BTS, Rdooy Ricch leh Christian Nodal-te chu The Weeknd tih lohah chuan award dawng hnem an ni a, pathum ṭheuh an dawng.

South Korean Boy Band BTS chuan Best Fan Army, Best Music Video (Dynamite) bakah Favorite Music Video Choreography-te an dawng a, Roddy Ricch chuan Hip-Hop Artist of the Year, Hip-Hop Album of the Year leh Hip-Hop Song of the Year-te a dawng thung.

Christian Nodal pawhin Regional Mexican Artist of the Year, Regional Mexican Album of the Year leh Regional Mexican Song of the Year award-te a dawng bawk.

Award dawng langsar dangte
Female Artist of the Year award chu Dua Lipa-in a dawng a, Dan + Shay chu Best Duo/Group of the Year-ah thlan an ni bawk. Best New Pop Artist chu Doja Cat a ni a, Rock Artist of the Year-ah The Pretty Reckless an thlang a, Dance Artist of the Year-ah Marshmello chu thlan a ni thung.

Olivia Rodrigo chuan Social Star Award a dawng a, Icon Award chu Elton John kutah hlan a ni.