Ed Sheeran-a'n band a nei tawh dawn

Live performance-a loop pedal hmang ṭhin British singer Ed Sheeran chuan a live performance-ah band a hmang ve tawh dawn tih a sawi.

BBC Radio 1 Jordan North-in a kawmnaah hemi chungchang hi sawiin,"A vawi khatna atan band ka hmang ve tawh dawn a, ka tan chuan rahbi thar a ni dawn niin ka ngai. Band chu a hma chuan ka hmang ve tawh ṭhin tho a, mahse TV Show-a ngenna a awm vanga hmang ka ni.

"Loop Pedal hi kum 15 chhung ka hmang tawh a, thil thar han tih ve chhin ka chak a ni. Ka tour-naa ka harsatna nia ka hriat chu ka hla ṭhenkhat hian band a mamawh tih hi a ni," tiin a sawi.

Sheeran hian tunah hian a studio album palina tur a buaipui mek a, a single tihchhuah leh hmasak ber tur chu a danglam dawn hle niin a sawi bawk.