China thilsiam boycott a ṭul : Sonam Wangchuk

India engineer, innovator leh education reformist, Sonam Wangchuk chuan India-in China a hneh theih dan tur sawiin sipai chakna mai piah lamah China company-te India-a luh khap chu hnehna tur kawng a nih thu a sawi.

Sonam chuan' "India sipaite'n ram humhim tuma hma an lak mek laiin keini mipuite chuan China bungrua siamchhuahte kan leisak a, kan hmang bawk a ni. Tunah pawh China thilsiam TikTok app hmangin India-in pawisa kan pe mek a ni," a ti.  

Sonam Wangchuk hi kum 2009 tawp lama India rama zirna in pawh sawinghing dawttu '3 Idiots' film producer, Vidhu Vinod Chopra thinlung hnehtu kha a ni a, Amir Khan character  Phunsukh Wangdu 'inspiration' petu ber pawh kha a ni.

Sonam Wangchuk chuan China thilsiamte chu boycott turin India ram mipuite a ngen a, an software-te chu kar khat chhunga hmang lo nghal vek turin leh an hardware siamte chu kum khat chhunga hmang lo vek turin mipuite a ngen. Amah ngei pawhin Chinese siam iPhone a hman chu kar khat chhungin a hmang tawh dawn lo tih a sawi.