CHENGRANG LEH NGENMU : Mizoram Entrepreneurship Reality Show hmasa ber tur

Mizorama Entrepreneurship Reality Show hmasa ber tur 'Chengrang leh Ngenmu' buatsaih turin Zonet leh Tharthilthlentu-te chuan thawhhona thuthlung an ziak. Chengrang leh Ngenmu - Entrepreneurship Show by Entrepreneurs hi June thla tawp aṭangin chhuah ṭan a ni dawn.

He show-ah hian Entrepreneur leh start-up idea nei ṭha tak tak rawn inlanin Investor hmaah an idea an sawi (pitch) ang a, an idea ṭhat dan azirin investor-te'n invest-na tlak start-up an lo zawng dawn a ni.

Entrepreneur rawn inlante hi pasaltha tih an ni ang a, an sumdawnna idea chu an chengrang niin investor-ten ngenmu (pawisa) an pe thei dawn a ni.

Sumdawnna idea emaw start-up i nei a, investment i mamawh a nih chuan he show-ah hian i tel ve thei dawn a, dilna thehluh tur niin diltu thlanchhuahte chu Bootcamp neih pui an ni ang a, chuta ṭang chuan show a tel tur thlanchhuah leh an ni ang.

Hrechiang duh tan hengah te hian zawhfiah theih a ni:
Ph: 7641-037-638/8119-869-883, Instagram@tharthilthlentu
Tharthilthlentu - Entrepreneurship & MSME Support hi Mizorama entrepreneurship leh MSME tihhmasawnna atana din a ni a, Office hi JL Building, Mission Vengah an nei a ni.