Zaithiam BJ Thomas a thi

'Raindrops Keep Fallin on My Head' hitmaker BJ Thomas chu kum 78 mi niin Inrinni khan a thi.

BJ Thomas hian March 23 khan a official Facebook page-ah chuap cancer a nih thu tarlangin Texas-ah enkawl a ni a, May 29 khan Arlington, Texas-a a chenna inah a thi ta a ni.

Grammy hial pawh lo dawng tawh BJ Thomas hi a hla Raindrops Keep Fallin’ on My Head’ leh ‘Hooked on a Feeling’ avangte khan hriat a hlawh hle a, kum 1966-a Hank Williams’ ‘I’m So Lonesome I Could Cry’ a cover aṭanga hriat hlawh ṭanin, hemi hnu hian rimawi khaw­vela hriat hlawh ber zinga mi a ni chho a ni.

Album paruk tichhuak hmanin ram hrang hrang­ah pop leh Christian music chart-ah a hunlai chuan a che ṭha ṭhin hle a, US-ah ringawt pawh top 10 single eng emaw zat neiin khaw­vel ram hrang­ hrangah album copy mak­taduai 70 chuang a hralh.