NETFLIX : Film en hlawh zual zingah

Zack Snyder-a Zombie film 'Army of the Dead' chu Netflix-a film entu ngah ber 10 zingah tel dawn niin Deadline chuan an tarlang a, tlangzarh a nih aṭanga kar lo chhungin chhungkaw maktaduai 72 velin an en hman dawn anga chhut a ni.

'Army of the Dead' hi May 21 khan Netflix-ah tlangzarh a ni a, Netflix-a pek chhuah a nih hma kar, May 14 khan US-a theatre thlan bik tlemteah chhuah a ni bawk. Box Office aṭang hian $maktaduai bawr vel chu a lalut nghe nghe.

Tunah hian Geroge Clooney channa 'The Midnight Sky' chu film en hlawh tarlan zingah 10-na a ni chiah a, 'Army of the Dead' hian a rawn nihrual chiah rin a ni. Zack Snyder-a film hian ram 70 chuangah Netflix-a film en hlawh ber a ni a, ram 90 chuangah film en nasat ber zingah a tel bawk.

Dave Bautista, Ella Purnell, Omari Hardwick, Ana de la Reguera, Theo Rossi, Matthias Schweighöfer, Nora Arnezeder, Hiroyuki Sanada, Tig Notaro, Raúl Castillo, Huma Qureshi, leh Garret Dillahunt-te channa 'Army of the Dead' hi a prequel film pahnih siam tum mek a ni bawk a, pakhat chu 'Army of Thieves' tih niin pakhat dang leh chu animated series 'Army of the Dead: Lost Vegas' tih a ni thung. Heng film pahnihte hi Netflix lamah en theihin a la awm leh dawn a ni.

Chris Hemsworth channa 'Extraction' kha Netflix-a tlangzarh aṭanga kar li chhunga film en hlawh ber a nih chhunzawm zel a, kha film kha chhungkaw mtd 99 velin kar li chhugin an en hman a ni. A dawttu chu 'Bird Box' kha a ni a, Action Comedy film 'Spenser Confidential' pathumna a ni thung.