Chris Tomlin-a EP thar a hnai

American Gospel singer Chris Tomlin chuan July 2 hian EP thar 'Chris Tomlin & Friends: Summer EP' a tichhuak dawn.

'Our God' hitamker Tomlin hian nikumah khan album 'Chris Tomlin & Friends' a tichhuak a, chumi chhunzawmna atan chuan 'Chris Tomlin & Friends: Summer EP' a tichhuak dawn tih hi a puang leh ta a ni.

'Chris Tomlin & Friends'-a hlate kha a lar hlawm hle a, Lady A a thawhpuina 'Who You Are To Me' phei chu Christian chart-ah a zawnin kar ruk lai topper a ni a, a album hrim hrim pawh Country Billboard Albums chart-ah parukna a nihpui bawk.

A EP thar tihchhuah tur hi a hming aṭang ringawt pawhin a ṭhian zaithiam lar dangte an tel leh nual dawn tih a hriat a, mahse chung mite chu tute nge tih a la tarlang chiah lo. 'Chris Tomlin & Friends'-ah khan Florida Georgia Line, Lady A leh Thomas Rhett-te bakah Russell Dickerson, Chris Lane, RaeLynn, Cassadee Pope leh Brett Young-te a thawhpui a ni.

Christian touring artist hlawhtling ber zinga mi Chris Tomlin hian August aṭangin tour a ṭan dawn tih a puang bawk a, chutah chuan Pathian fakna hla satu lar tak tak- Kari Jobe, Bethel Music, leh Cody Carnes-te pawh an inlan dawn a ni.