Cruella chhunzawmna Disney-in an sawi ri lehnghal

Emma Stone leh Dame Emma Thompson-te channa Disney film Cruella chu an tlangzarhna la rei lo hle mah se Disney chuan a chhunzawmna tur an buaipui ṭan leh der niin khawthlang media-te chuan an tarlang.

Cruella hi a hlawhtling nghal hle a, chumi avang chuan Disney executive-te chuan phurawm an ti deuh ni ngei tur a ni, tunah chian a chhunzawmna tur an buaipui ṭan leh nghal mup mup mai niin The Hollywood Reporter chuan a tarlang a ni.

Director Craig Gillespie leh screenwriter Tony McNamara-te chuan an hna ngai an chelh chhunzawm leh hmel bawk.

May 28 khan Cruella hi US-ah tlangzarh a ni a, Box Office-ah pahnihna niin A Quiet Place Part II a tluk lo thung a, chuti chung chuan hrileng karah sum a lalut tam viau tho a ni.