Teenage Mutant Ninja Turtles thar 2023-ah

Teenage Mutant Ninja Turtles reboot movie siam a ni dawn a, August 11, 2023-ah tlangzarh hman an tum.

Producer Seth Rogen chuan kar hmasa khan hemi chungchang hi Twitter kaltlangin a puangzar a, The Mitchells vs. the Machines co-director Jeff Rowe chu director a ni dawn a, Neighbors writer Brendan O'Brien chu script ziaktu tur a ni bawk.

Teenage Mutant Ninja Turtles siam thar a ni leh dawn tih hi nikum June thlaah khan sawi lanin a lo awm tawh a, kar hmasa lamah khan chiang zawka puanzar a ni chauh thung. Tortoise quartet Leonardo, Raphael, Donatello, leh Michelangelo-te role hi tutuin nge chang dawn tih erawh puanzar a la ni lo.

Kum 2014-a Transformers director Michael Bay produce-na hnuaiah Teenage Mutant Ninja Turtles movie tihchhuah kha a hlawhtling hle a, Box Office aṭangin $maktaduai 493.3 lai sum a lalut, a chhunzawmna kum 2016 a tihchhuah erawh kha chuan beisei a pha ta chiah lo a, chuti chung chuan $mtd 245.6 lai sum a lalut tho a ni.