Pakistan-a rel insu ah mi 30 an thi

Pakistan chhimlam Sindh Province-ah nimin zing khan rel pahnih an insu a, mi 30 an thi a, mi dang 50-in hliam an tuar.

Sir Syed Express, Lahore aṭanga Karachi pana tlan leh Millat Express, Sargodha aṭanga Karachi pana tlan chu Dharkhi bulah an insu a, Millat Express rel pindante chu a let zui a ni.

Ghokti, Dharki, Obaro leh Mirpur Mathelo-a damdawi-inah hliam tuarte hi hruai niin, heng damdawi-inah hian emergency puan nghal a ni bawk.

Ghokti deputy commissioner Usman Abdullah chuan chetsualnaah hian mi 30 aia tlem lo an thih thu leh mi 50 velin hliam an tawrh thu te, rel pindan 13-14 vel chu chu a let a, pindan paruk aṭanga pariat chu sawpchhiat vek an nih thu a sawi.

Official-te chuan rel pindan letin a delhte chhanchhuah kawngah harsatna an tawk tih an sawi a, Rohri aṭangin ṭanpuitu rel tirh a nih thu a sawi bawk.

"Hna hautak kan hmachhawn a, tang mekte chhanchhuah nan khawl lian hman a ngaih avangin hun a duh deuh dawn a ni. Mipui hliam tuar enkawlnan medical camp kan din ang" tiin DC chuan a sawi.

Ghokti SSP Umar Tufail chuan pindan ṭhenkhat letah hian khualzin tang an la awm avangin thi an awm belh a hlauhthawnawm thu a sawi a ni.