US pawnah F9 hralh a kal chhunzawm zel

Fast and Furious film pakuana F9 chu US-ah la tlangzarh lo mah se sum a lalut tam tawh hle a, tunkar tawp liam ta thleng khan $makatduai 250 vel lai sum a lalut tawh niin Variety chuan a tarlang.

He film hian China-ah ringawt pawh $mtd 203 vel sum a lalut der tawh a, Vin Diesel, Michelle Rodriguez, Tyrese Gibson, Chris “Ludacris” Bridges, John Cena, Jordana Brewster, Nathalie Emmanuel, Sung Kang, Helen Mirren leh Charlize Theron-te channa hi khawvelin a hmu duh hle tih a hriat.

Heti chung hian sum tamna North America bakah Europe ram hausa ho a la tlan thleng lo zawk a, hrileng kara film tlangzarh zinga sum lalut tam ber pawl a ni dawn tih sawi turin zawlnei nih kher a ngai ta lo.