Sialsuk Lehkhachaih Kut

December 27, 28 leh 30 khan Sialsuk khawtlang buautsaih 'Kite Festival' chu hlawhtling taka neih a ni. Lehkhachaih kutah hi Mizoram hmun hrang hrang aṭangin mi 6,000 velin an chhim a, lehkhachaih chaih tur keng an awm bakah a hmunah an zuar bawk a; puitling leh naupang intihhlimna hrang hrang an buatsaih bakah a khar niin zaithiamte an zai bawk. Kite Festival buatsaihtute chuan kumin kum tawpah ropui zawk leh lian zawka buatsaih an tum thu an sawi a, "Kan tih vawi khatna a ni a, a hlawhtlin theihna tura thawktu leh chhimtu zawng zawng chungah lawmthu kan sawi a, a chhimtute tana harsatna awmte pawh kan hria a, kuminah chuan kan thiam tawh dawn a, mipui tana nuam lehzual buatsaih theih kan inbeisei," tiin Vanglaini an hrilh.