LERSIA PLAY-ah TUIRIAL JAIL a en theih ta

Mizo film Tuirial Jail chu Lersia Play apps lamah en theihin a awm ta.

Tuirial Jail hi nikum kumtir lama tlangzarh kha niin, hmun hrang hranga chhuah tura ruahmanna an siam mek laiin hrilengin a nan zui avangin mi tam tak chuan kan en hman lo mai thei. Mahse tunah chuan duh hun huna en theih turin Lersia Play lamah dah fel a ni tawh.

Pawisa tlemte chawiin he film hi i duh hun hunah i en thei ta a, October 7, 1979-a Tuirial Jail aṭanga tangte tlanchhuah dan chanchin ngaihnawm tak chu he film 'Turial Jail'-ah hian tihlan a ni.

Hmingtea Fanai (Milestone Picture) direct a ni a, Chamte graphic-te leh VFX lam buaipuitu Sawma-te nen an thawk hoin an siam niin sum pawh an seng tam hle a, chumi a nih avang chuan video lo 'capture' a YouTube lama dah lo turin leh lo tihdarh sak lo turin film siamtute chuan mipuite an ngen bawk.