'Lord of the Rings’ Anime Movie an siam dawn

New Line Cinema leh Warner Bros. Animation thawkdun chuan 'Lord of the Rings’ Anime Movie an siam dawn.

Hemi chungchang hi company-te hian Ningani khan puangin, a title-ah pawh 'The Lord of the Rings: The War of the Rohirrim' tih a ni dawn tih an puang a ni.

Anime veteran Ghost in the Shell: Stand Alone Complex TV series director Kenji Kamiyama chuan a direct dawn a, Joseph Chou chuan a produce thung ang. Anni pahnih hi anime lar tak takah an thawk dun nual tawh a, chung zingah chuan Knights of the Zodiac: Saint Seiya, Ultraman leh Appleseed-te pawh kha a tel.

'Lord of the Rings’ film thar tur buaipui ṭan leh a ni ta hi Lord of the Rings fan-te tan chuan thu lawmawm tak a nih a rinawm a, khawthlang media-te pawhin an ngaihven nasa hle.

Kum 20 liam ta, kum 2001-ah khan Lord of the Rings film hmasa ber 'The Fellowship of the Ring' kha tlangzarh a ni a, Box Office aṭangin $maktaduai 897.7 lai sum a lalut.

A chhunzawmna film dang pahnih siam leh pawh a hlawhtling dun hle a, a spin-off The Hobbit film series pawh a hit leh hlawm hle a, tuna anime lam an hawi pawh hi an tifuh leh viauin a rinawm.