Mystical Mizoram Ṭhazual GOSPEL : Chart chung berah Maruati & Hlimhlimi 'Uain Thar'

Mystical Mizoram Ṭhazual Gospel chart-ah Maruati & Hlimhlimi 'Uain Thar' chu pakhatna a ni a, Amtea & Zorinsanga Sailo 'Ka Beiseina Isua' chu pahnihna niin Andrew K. Lalchhandama 'Beiseina Eng' chu pathumna a ni thung.

'Uain Thar' a mawi
Tunlai Gospel singer ṭha ber zinga mi leh an zai pawh ngaihthlak hlawh ber zinga mite pahnih Maruati leh Hlimhlimite hla 'Uain Thar' chu Ṭhazual Gospel chart topper niin chart hmasaa topper Stacy Punte an rawn nek chhuak a ni.

Maruati te ṭhiandun hian Nehemia Chhangte hla phuah 'Uain Thar' hi an sa thiamin an sa mawi dun hle a, chart-a pakhatna a ni pawh hi a awm viau mai.

January thla tawpa an tihchhuah kha niin chart-a a lanna pawh a rei tawh viau a, hma sawn zelin tunah chuan pakhatna hial a rawn ni ta a ni. He hla ṭha tak hi MDM YouTube channel lamah an dah a, thlirtu nuai chuang an awm tawh.

Pahnihna leh Pathumna chu
Amtea & Zorinsanga Sailo 'Ka Beiseina Isua' pawhin hma rawn sawn hretin pathumna aṭangin pahihnaah an rawn inhlangkai. Anni hian thla thum vel liam taah khan an hla thar hi an tichhuak a, he hla hi Amtea lehlin niin chart tihchhuah leh hunah topper a ni thei dawn em tih hriat a chakawm tawh hle.

Chart hmasaa pasarihna Andrew K. Lalchhandama 'Beiseina Eng' chu pathumnaah a rawn inhlangkai dawrh a, a dinhmuh a sawh nghet chak viau a ni.

Chart top 10-a lang dangte chu
Mizo Gospel group lar ber zinga mi One In Christ chuan 'Kan Pathian Ropui' chu palina an nihpui a, Lalramsangi'n 'Ṭhenna Ram' hmangin top 5 a khar a ni.

Tunkar Ṭhazual Gospel chart-ah hian zaithiam inlan an ṭha hle a, C. Lalremruata, Rosalind Khawlhring, Lalthlengliani Jongte, Sawmtea Chhangte leh Seraphic Choir-te pawh an lang a ni.