Aquaman 2 : The Lost Kingdom

Aquaman 2 director James Wan chuan kar hmasa khan a film siam title tur puangzarin ‘ Aquaman and The Lost Kingdom’ tih a ni dawn.

James Wan-a project lian takah hian Jason Mamoa chu Aquaman lemah a chang leh dawn a, Mera lemah Amber Heard chu chang leh dawn bawkahin Patrick Wilson chu Orm lemah a chang leh dawn.

Aquaman film hmasa kum 2018-a tlangzarh kha a hlawhtling hle a, $tluklehdingawn chuang sum lalutin DC film zinga sum lalut tam ber pawl a ni. A chhunzawmna tuna an siam mek hi nakkum kum tawp, December 16, 2022-a tlangzarh hman an tum a ni.

Amber Heard hlawh a tam dawn, an ti
Media ṭhenkhatin an tarlan dan chuan Aquaman 2 -ah hian Amber Heard chuan a hlawh hnem dawn hle a, $mtd 5 vel lai chu a tirah a dawng phawt dawn niin an sawi.

Film hlawhtlin chhoh dan azirin a hlawh hi a pung nasa thei hle dawn niin an la sawi lehzel bawk a, $tld chuang sum khawvel ram hrang hrang aṭanga a lalut thling a nih phei chuan $mtd 15-20 vel thleng pawh a hlawh thei dawn a nih hmel. Hetiang a nih chuan lemchan thiam hmeichhe hlawh hnem ber pawl a ni thei dawn tihna a ni.

Hetihlai hian Amber Heard hi Johnny Depp-a fan-te chuan tunah hian an dodal nasa hle a, Aquaman 2 boycott turte pawhin ṭhenkhat chu social media lamah an campaign ve mek bawk.

DC hmalam hun
DC hian tunah hian film siam mek leh tlangzarh tur an nei nual. Kumin August 6 hian The Suicide Squad an tlangzarh dawn a, The Batman (March 4, 2022), The Flash (Nov. 4, 2022), and Warners’ and New Line’s Black Adam (July 29, 2022) leh Shazam! Fury of the Gods (June 2, 2023)-te chu tunhnai kum hnih thum chhunga an film tlangzarh tum dan indawt a ni.

Blue Beetle, Batgirl, Supergirl, Green Lantern Corps, Static Shock leh Wonder Woman 3-te chu tunah hian siam turin hma an la mek bawk.