U.K. Chart-ah Olivia Rodrigo-i'n record a siam

American singer Olivia Rodrigo chuan UK single chart-ah record a siam a, chart top 5-ah a hla pathum lai langin 'Good 4 U' phei chu topper a nihpui. Top 5-a hla pathum lanpui thei hi hmeichhe zingah an la awm ngai loa, Rodrigo hi a hmasa ber a ni.

California tleirawl hi UK lamah a tla na hle a, kar hmasa chhung khan a single 'Good 4 U' kha vawi maktaduai 11.2 stream a nih bakah copy 96,000 a hralh leh a, chart thar berah pakhatna ni lehin a zawnin kar thum chhung chart topper a ni tawh.

'Deja Vu' chu palina a nihpui a, 'Traitor' chu pangana a nihpui bawk.

Tuna Rodrigo record ang siam thei hi zaithiam zingah an la tam lo hle a, chung zingah chuan music legend fam ta John Lennon, Justin Bieber, Ed Sheeran leh Drake-te pawh an tel a ni.