Kum 14 hnuah Spice Girls-in hla thar an tichhuak dawn!

Spice Girls chuan an album hmasa ber 'Wannabe' kum 25 tlinna pualin hla thar an tichhuak dawn tih an sawi a, hei hi kum 2007 hnua hla thar an tihchhuah leh hmasak ber tur a ni ang.

Mel B, Emma Bunton, Mel C, Victoria Adams leh Geri Halliwell-te chuan July 9 aṭang hian 'Wannabe25' EP an zuar chhuak ṭan dawn a, streaming platform hrang hrangah pawh he EP hi a stream theih dawn. Hetah hian hla kan la ngaihthlak ngai loh a awm dawn a, Junior Vasquez nena an hla an remix-te, 'Wannabe' demo kan la ngaihthlak ngai loh bakah 'Feed Your Love' te chu hla awm tur an tarlan tawhte a ni.

'Wannabe' kha khawvela hla mal tihchhuah tawh zawng zawnga hralh kal ber pasarihna a ni a, CD leh download aṭangin copy maktaduai 1.3 lai an hralh bakah girl band-in chart topper an nihpui rei ber hla a ni bawk.

Kum 1996-a an album hmasa ber 'Wannabe' an tihchhuah kha a hunlai khan a 'hit' rem rem hle a, ram 37 laiah chart topper a ni hial. Khawvel hmun hrang hrangah copy maktaduai 23 lai hralhin girl band zinga album hralh ṭha ber pawl an ni.