Ruihhlo lak ata ka tal chhuah theihnan Justin Bieber ka entawn: Demi Lovato

American singer kum 27 mi Demi Lovato chuan Justin Bieber chu ruihhlo lak ata a tal chhuah theih nana a mi entawn a nih thu a sawi.

Kar liam ta khan Demi leh Justin-te hi Ellen DeGeneres Show-ah an inlan dun a, he hunah hian an harsatnate sawi chhuakin, ruihhlo lak ata an chhuah dante chu he show-a kalkhawmte hmaah an sawi a ni.

Justin chuan, "I puitlin telh telh chuan i chak lohnaah pawh theihna i nei tih i hriatchhuah belh zel ang, chu i theihna chu i lan chhuahtir chuan midangte tan entawn tur leh inrintawkna a siam thei bawk a ni," tiin a sawi.

Justin-a thusawi chu Demi chuan rawn chhunzawmin, "Vawiina min kai harh leh tu chu nangmah hi i ni. Nikuma ruihhlo vanga ka buai lai khan kawng min kawhhmuhtu atan ka hmangin ka entawn che a, a chhan chu ruihhlo aṭanga i lo tal chhuah ve tawh vang a ni.