Billie Eilish Bad Guy Global Single Of 2019
American tleirawl Billie Eilish chuan kum naupang tein a vanglai a la hmang chho mek zel dawn niin a lang.
A hla hit 'Bad Guy' chu nikum chhunga 'single' tihchhuah ṭha berah International Federation of the Phonographic Industry chuan a thlang. Thla 12 liam ta chhung khan 'Bad Guy' hian ngaihthlak a hlawh nasa hle a, maktaduai 19.5 lai download a ni bawk a, nikum chhunga download hlawh ber hla a ni. Lil Nas X 'Old Town Road' chu 'Bad Guy' dawtah chiah hian awm mah se maktaduai chuangin a pha lo.
Kum 18 mi chiah la ni mah se Grammy panga lai a dawng tawh a, James Bond theme song record thei zaithiam naupang ber a ni bawk Billie Eilish hian a ropuina lam a la pan zel a, a chanchin hriat tur awm apiang hi atana ṭha lam a ni zel bawk. The International Federation Of The Phonographic Industry CEO Frances Moore pawhin Billy hi a fak hle a, a aw mawi tak leh a genre danglam tak hmangin khawvel a la niin a sawi hial.