Cristiano Ronaldo, Coca Cola hlutna tihniamtu

Cristiano Ronaldo-a'n press conference-a Coca Cola bottle a dahsawn avang ringawtin Coca Cola hlutna a tlahniam.

Infiammi zinga huhang ngahber pawl leh mite ngaihsan rawn Cristiano Ronaldo chuan Thawṭanni khan Budapest-a press conference-ah a dawhkana Coca-Cola bottle pahnih an lo dah chu a dahsawn a, chumi avang ringawt chuan Coca-Cola chuan an 'market value' $tluklehdingawn 4 zet an hloh!

Coke bur pahnih a dahsawn hnu hian hriselna ngaipawimawh Ronaldo chuan tui bottle chu lakang zeuhin Portuguese ṭawngin "Aqua!" a ti zui a, kalkhawmte chu Coca-Cola aiin tui thlang zawk turin a chah niin a lang.

Ronaldo-a'n tui a dahsan zawkna a lantir hnu lawka Coca-Cola market value chu $tld 242 aṭangin $tld 238-ah a tlahniam nghal a ni.