Park Seo-Joon MCU-ah kan hmu dawn?

South Korean Actor Park Seo-Joon chu Marvel Cinematic Universe film Captain Marvel 2, 'The Marvels'-ah a inlan ve dawn niin media ṭhenkhat chuan an tarlang.

Report ṭhenkhatin an tarlan dan chuan Park Seo-Joon hian kum chanve hnu lamah hian US panin Brie Larson-te bulah hun a hmang tawh dawn a, mahse hemi chungchangah hian a agency Awesome ENT chuan engmah thuchhuah an la nei lo.

Nakkum November-a tlangzarh hman an tum The Marvels-ah hian Park Seo-Joon hi kan hmu tak tak dawn a nih chuan Korean lemchan thiam zinga MCU-a inlan tur pathumna a ni ang. 'Avengers: Age of Ultron'-ah khan Claudia Kim chu lo inlan tawhin 'Eternals'-ah Ma Dong Seok a inlan dawn bawk a ni.